भारतमा मन्त्रीमाथि बम प्रहार

133

काठमाडौ । भारतको पश्चिम बंगालको मुर्शिदाबाद जिल्लाको निमिट्टा रेलवे स्टेशनमा अज्ञात समूहले मन्त्री जाकिर हुसेनमाथि बम प्रहार गरेको छ। बम आक्रमणमा परी मन्त्री हुसेन गम्भीर घाइते भएका छन्। भारतीय प्रहरीका अनुसार मन्त्रीसँगै कम्तीमा दुई अन्य मानिस पनि घाइते भएका थिए।

रेलमन्त्री पीयूष गोयलले उक्त हमलाको भर्त्सना गरेका छन्। उनले पश्चिम बंगालको निमिट्टा रेलवे स्टेशनमा भएको विनाशकारी बम हमलाको निन्दा गरेका छन्।

पश्चिम बंगाल पुलिसका एक वरिष्ठ अधिकारीका अनुसार श्रम राज्यमन्त्री हुसेन स्टेशनको दुई नम्बर प्लेटफार्ममा बेलुका १० बजे कोलकाता जान ट्रेनको पर्खाइमा थिए। बम विस्फोट हुँदा उनको खुट्टामा चोट लागेको छ। उनलाई जांगीपुर सबडिभिजन अस्पतालमा भर्ना गरिएको छ। आक्रमणको जिम्मा कसैले लिएको छैन। -नागरिकबाट