अर्घाखाँचीमा शहिद तथा वेपत्ता परिवारलाई विप्लवको सम्मान

314

हिन्दुखबर संवाददाता
अर्घाखाँची, २० फागुन । नेपाल कम्युनिस्ट पार्टी (विप्लव) अर्घाखाँचीले सहिद–सप्ताहको सन्दर्भमा सहिद तथा बेपत्ता परिपारलाई भेटघाट तथा सम्मान कार्यक्रम गरेको छ ।

भेटघाट तथा सम्मान कार्यक्रममा नेकपाले जिल्लामा जनयुद्धको क्रममा सहादत प्राप्त गरेका सहिद तथा बेपत्ता परिवारहरूलाई सम्मान गरेको हो ।

सम्मान कार्यक्रममा जिल्ला सेक्रेटरी क. माहुरीले जनयुद्धमा सहादत प्राप्त सहिदहरूका सपनाहरूमाथि केही गढ्दारहरूले कुल्चेर हिँडिरहे पनि नेपाल कम्युनिस्ट पार्टी सधैं ती महान सहिदहरूको सपना पूरा गर्न प्रतिबद्ध रहेको बताए ।

उनले देशको वर्तमान समाजको यथास्थिती र पछिल्लो देशको राजनीतिक घटना क्रमले कुनै निकास दिन नसक्ने बताए । माहुरीले दलाल संसदीय व्यवस्थाको खारेज गरी वैज्ञानिक समाजवाद स्थापना गर्न सम्पूर्ण न्यायप्रेमी, वामपन्थी, लोकतन्त्रवादी जनसमुदायलाई एकिकृत जनक्रान्तिको दिशामा सामेल हुन समेत आव्हान गरे ।

सहिद–सप्ताहको सन्दर्भमा नेकपाले देशव्यापी रुपमा सहिद तथा बेपत्ता परिवारहरूलाई भेटघाट तथा सम्मान कार्यक्रम गरिरहेको छ ।