ग्राण्डी अस्पतालद्धारा हृदयघात भएकी ९९ वर्षीय वृद्धको सफल उपचार

321

काठमाडौँ, २ चैत ।  काठमाडौँको धापासीमा रहेको ग्राण्डी अन्तर्राष्ट्रिय अस्पतालले हृदयघात भएकी ९९ वर्षीय वृद्धको सफल उपचार गरेको छ ।

टोखामा रहेको उक्त अस्पतालले अकस्मात हृदयघात भएपछि अस्पताल भर्ना भएकी टोखा मिलनटोलकी ९९ वर्षीय डम्बर कुमारी मल्लको सफल उपचार गरेको हो ।

अस्पतालका महाप्रबन्धक विकासमान सिंहले दम र छाती रोगको समस्याबाट ग्रसित वृद्धको हृदयघातको सफल उपचार गरिएको जानकारी दिनुभयो । विस २०६९ सालमा स्थापना भएको ग्राण्डी अस्पताल स्वदेशी तथा विदेशी नागरिकको उपचारका लागि आकर्षक गन्तव्यका रुपमा विकास हुँदै गएको छ ।

ग्राण्डी अस्पतालले केही समय अगाडि ‘प्लाटिलेट्स रिच फाइब्रिन’ विधिबाट दाँतको उपचार समेत सुरु गरेको थियो । हाल ग्राण्डी अस्पतालमा विरामीलाई रगतको अभाव हुन नदिन नेपालकै निजी स्तरको सबैभन्दा ठूलो ‘रक्तसञ्चार केन्द्र’समेत स्थापना गरिएको छ ।