जमिनमा टेकौं र जनतातर्फ फर्कौं, यसैमा सबैको भलो छ : योगेश भट्टराई

75
Interview with Tourism Minister Yogesh Bhattarai. Photo: Naresh Shrestha/ THT

काठमाडौं । नेकपा एमालेका नेता योगेश भट्टराईले पार्टीमा आफूबाट भएको गल्ती स्वीकार गर्नुपर्ने बताएका छन् । सोमबार साँझ सामाजिक सञ्जाल फेसबुकमार्फत नेता भट्टराईले आत्मालोचना गर्दै फागुन २३ गतेको सर्वोच्च अदालतको फैसलालाई सबैले स्वीकार गर्नुपर्ने बताएका हुन् ।

उनले २०७५ जेठ २ गते कायम रहेको नेकपा एमाले केन्द्रीय कमिटीको बैठक आयोजना गरेर त्यसमा खुला रूपमा छलफल गर्न आग्रह पनि गरेका छन ।

पार्टीलाई बिधिसम्मत रूपमा सञ्चालन गर्न  सबै तयार हुनुपर्ने उनको भनाइ छ । उनले जमिनमा टेकेर जनतातर्फ फर्कनुमा नै सबैको भलो हुने टिप्पणी गरेका छन् ।

एमाले विवाद समाधानका लागि यस्तो उनको सुझाव :
“पहिला २०७७ फागुन २३ गतेको सर्बोच्च अदालतको फैसलालाई सबैले स्वीकार गरौं ।
त्यसपछि २०७५ जेष्ठ २ गते कायम रहेको नेकपा एमाले केन्द्रीय कमिटीको बैठक आयोजना गरौं ।
बैठकमा खुला खुलस्त छलफल गरौं । षड्यन्त्र र छलछाम कसैले कसैमाथि नगरौं ।
आफूबाट भएका गल्तीलाई सबैले दीलबाट स्वीकार गरौं ।
पार्टीलाई विधिसम्मत रुपमा संचालन गर्ने सबै तयार होऔं ।
महाधिवेशन र सबै तहका अधिवेशन आयोजना गराैं, स्वस्थ र पारदर्शी ढंगले लोकतान्त्रिक अभ्यास गरौं र परिणाम सबैले स्वीकार गरौ ।
आउने निर्वाचनमा नेकपा एमालेको बहुमत ल्याउन सबैले कसम खाउँ ।
जमिनमा टेकौं र जनतातर्फ फर्काैं ।
यसैमा छ सबैको भलो”