कोरोना बिरुद्धको लडाइँमा एकजुट बनौ: मन्त्री आचार्य

242

शोभाखर पन्थी
अर्घाखाँची, २४ बैशाख । लुम्बिनी प्रदेशका आन्तरिक मामिला तथा कानुन मन्त्री चेतनाराणण आचार्यले कोरोना भाईरसका बिरुद्ध लड्न सबै एकजुट हुनुपर्ने बताउनुभएको छ ।

अर्घाखाँची अस्पतामा निर्माणाधीन एचडियुसेवाको अनुगमन गर्दै उहाँले जतिसक्दो छिटो सेवा संचालनको लागि अस्पताल प्रशासनलाई निर्देशन दिनुभयो ।

जिल्लामा हालसम्म आइसियु र भेन्टिलेटर नहुँदा बिरामीलाई निक्कै सास्ती भएको भन्दै उहाँले तत्काल सेवा सुचारु गर्न आग्रह गर्नुभयो । कोभिड १९ का कारण अहिले मुलुकको जनजिवन प्रभावित भएको भन्दै यस्तो कठिन घडीमा सबैले आआफ्नो ठाउँ बाट सहयोग पुर्याउनु पर्ने उहाँको भनाई थियो ।

मन्त्री आचार्यले अस्पतालमा अक्सिजन र अन्य अत्यावश्यक उपकरणको अभाव हुन नदिन प्रदेश सरकार निरन्तर लागिपरेको भन्दै जनताको स्वास्थ्य प्रति आफुहरु सचेत रहेको बताउनुभयो ।

उहाँले कठिन परिस्थितिमा अहोरात्र खटेर सेवा प्रदान गर्ने स्वास्थ्यकर्मी ,सुरक्षा निकाय र राष्ट्रसेवक कर्मचारीहरुको राज्यले उच्च मुल्यांकन गर्ने बताउँदै समाजमा अनावश्यक हल्ला फैलाई जनतालाई आतंकित पार्ने ,कृतिम अभाव सिर्जना गर्ने,कालाबजारी गर्ने र सर्वसाधारण जनतालाई एक वा अर्को बहानामा दुस्ख दिनेलाई कडा कार्वाही गर्ने चेतावनी दिनुभयो ।

अर्घाखाँची अस्पतालका प्रमुख डाक्टर कपिल गौतमले भोलि देखि नै एचडियु सेवा संचालन गर्ने बताउनुभयो । उहाँले सरकारको २ करोड रुपैयाँको लागतमा १० बेडको एचडियु र २ भेन्टिलेटरको सेवा प्रदान गर्न लागेको भन्दै भेन्टिलेटरको लागि भने थप १/२ दिन लाग्ने बताउनुभयो ।