महामारीसँग जुध्नका लागि आन्तरिक पहल र बाह्य सहयोगको खाँचो: पूर्व राजा ज्ञानेन्द्र

140

काठमाडौ। पूर्व राजा ज्ञानेन्द्र शाहले महामारीसँग जुध्नका लागि  आन्तरिक पहल र बाह्य सहयोगको खाँचो रहेको बताउनु भएको छ । कोरोना सक्रमणबाट मुक्त भएपछि पूर्वरानी कोमल शाह संगै बसेर एक भिडियो सन्देश  जारी गर्दे पूर्वराजा शाहले  आफूहरुको स्वास्थ्यलाई लिएर चासो व्यक्त गर्ने देश भित्र र बाहिर रहेका सबै नेपालीप्रति आभार व्यक्त गर्नुभएको छ ।

सन्देशमा पूर्व राजाले भन्नुभएको छ ‘हामी दुवै पूर्ण स्वास्थ्य लाभको प्रक्रियामा छौँ । तर देश भित्र र बाहिर महामारीको अवस्थाले हामीलाई चिन्तित बनाएको छ । यो महामारीसँग जुध्नका लागि हाम्रो आन्तरिक पहल र बाह्य सहयोगको खाँचो छ ।

उहाले ‘ग्रपंक्तिमा रहेर काम गर्ने स्वास्थ्यकर्मी, सुरक्षाकर्मी, सफाइकर्मी तथा सामाजिक कार्यकर्तालाई पनि धन्यवाद दिन भएको छ । पूर्वराजा शाहले सबैमा महामारीबाट जोगिनका लागि सावधानी अपनाउन पनि आग्रह गर्नुभएको छ ।

पूर्वराजा शाहले हाल संक्रमण भइ उपचारको क्रममा रहेकाहरुको शीघ्र स्वास्थ्य लाभको कामनासँगै कोभिड–१९ का कारण निधन भएकाहरुको चीरशान्ति र उनीहरुको परिवारजनमा धैर्यधारणको शक्ति दिन पशुपतिनाथसँग प्रार्थना गर्दे प्राप्त सहयोगको लागि  अन्तर्राष्ट्रिय जगतलाई पनि धन्यवाद दिनुभएको छ ।

भारतमा आयोजित कुभ्ममेलामा सहभागी हुने क्रममा पूर्बराजदम्पतीलाई कोरोना सक्रमण भएको थियो । केही दिन होम आईसोलेसनमा बसेपछि स्वास्थ्यमा समस्या भएपछि  नर्भिक अस्पतालमा करिब दुई साता उपचार पछि कोरना सक्रमण मुक्त भएर डिस्चार्ज हुनु भएको थियो ।