अनन्तप्रसाद घिमीरे । आज मिति २०७८ साल भाद्र २१ गते सोमबार। सन् २०२१ सेप्टेम्बर ६ तारिख । नेपाल संवत् ११४१ । राक्षस नाम संवत्सर । सुर्य दक्षिणायन। वर्षा ऋतु । श्रीशाके १९४३। भाद्र कृष्णपक्ष चतुर्दशी/आमावस्या तिथि। मघा नक्षत्र। ध्वाङ्क्ष योग। चर करण। सिंह राशीमा चन्द्रमा।
मेष (चू,चे,चो,ला,लि,लू,ले,लो,अ) व्यापारी तथा आर्थिक कारोबार गर्नेहरुका लागि आजको दिन विशेष फलदायी रहनेछ । सरकारी काममा सफलता मिल्नेछ । यात्रा सफल हुनेछ । व्यापार व्यवसायमा राम्रो फाइदा हुने दिन रहेकोछ ।
बृष (ई,ऊ,ए,ओ,वा,वी,वू,वे,वो) आकस्मिक धन प्राप्तिको योग छ ।मनमा सुख तथा सन्तोष रहनेछ । आँटेका कामहरु पुरा हुनेछन् । आज कुनै नयाँ कामको थालनि हुनेछ । मित्रहरुबाट सहयोग मिल्ने छ । शत्रु पराजित हुनेछन् ।
मिथुन (का,की,कू,घ,ङ,छ,के,को,हा) तपाईंको मन अशान्त भई रहने छ । वायु विकारले शरीरका विविध अंगमा पीडा हुने छ । व्यापारबाट हानी हुनेछ । शत्रु सबल हुनेछन् । आज मित्रहरुले पनि शत्रुले जस्तै व्यवहार देखाउने छन् ।
कर्कट (ही,हु,हे,हो,डा,डी,डु,डे,डो) विभिन्न अवसरले पछ्याउनेछन् भने दिगो फाइदा हुने काममा जग बसाउने मौका छ। पेसा फलदायी रहनेछ। मिहिनेतले नाम, दाम र इनाम दिलाउन सक्छ। दिउँसोदेखि आम्दानीका नयाँ स्रोत फेला पर्नेछन्।
सिंह (मा,मी,मु,मे,मो,टा,टी,टु,टे) धन आर्जनगर्ने अवसर मिल्नेछ । शत्रु परास्त हुनाले मन प्रशन्न हुनेछ । धैर्यताले कार्य सफल हुनेछ । साथिहरु पूर्णसहयोग मिल्नेछ । प्रेममा सफलता मिल्ने छ । रमाइलो यात्राको योग रहेको छ ।
कन्या (टो,पा,पी,पु,ष,ण,ठ,पे,पो) मन साह्रै चञ्चल हुनेछ । पेट सम्वन्धी समस्या आउने छ । पानी बाट हानीहुने दिन रहेको छ । चोट पटकको संभावना रहेको छ । पढाइमा मन जानेछैन । शरीरमा आलस्यता उत्पन्न हुनेछ ।
तुला (रा,री,रु,रे,रो,ता,ती,तु,ते) स्वास्थ्य राम्रो रहने छ । सभा तथा समारोहमा सहभागि हुने अवसर मिल्नेछ । गरेका काममा सफलता मल्निेछ । पढाइमा राम्रो सफलता मल्निेछ । स्वादिष्ट भोजन प्राप्तिको योग रहेको छ।
बृश्चिक (तो,ना,नी,नू,ने,नो,या,यी,यू) मानसिक तथा शारिरीक समस्या आउनेछ । कुभोजनका कारणले स्वास्थ्यमा समस्या उत्पन्न हुन सक्ने देखिन्छ । आँखामा समस्या आउन सक्ने छ।अनावश्यकरुपमा धनक्षय हुनेछ ।
धनु (ये,यो,भा,भी,भू,धा,फा,ढा,भे) आर्थिक उन्नति प्रगतिहुने दिन रहेको छ । काममा सफलता मिल्नाले मन प्रसन्न रहनेछ । इष्टमित्रसंग भेटघाट हुनेछ । शत्रु पराजित हुनेछन् । मीष्ठान्न भोजन तथा स्वर्णादि वस्तुको लाभहुने दिन रहेको छ ।
मकर (भो,जा,जी,खी,खु,खे,खो,गा,गी) मानसिक तथा शारीरिक समस्याले सताउने छ । धनक्षय हुने दिन रहेको छ । बहुमुल्य सामान हराउन सक्नेछ । परिवारमा वेमेलको स्थिति आउनेछ । कुराकाट्नेहरु धेरै हुनेछन्,नैराश्यता उत्पन्न हुने छ ।
कुम्भ (गू,गे,गो,सा,सी,सु,से,सो,दा) स्वास्थ्यका क्षेत्रमा विशेष ध्यान पुर्याउनुहोला। व्यापारमा लाभांश घट्न सक्छ। अरूका लागि समय खर्चनुपर्ला। सानोतिनो समस्याले अल्झाउनेछ भने स्वास्थ्य प्रतिकूल रहनेछ।
मीन (दी,दू,थ,झ,ञ,दे,दो,चा,ची) नसोचेको ठाउँमा खर्च बढ्ने र काममा अवरोध आउने सम्भावना छ। सामान्य स्वास्थ्य समस्या देखापर्ला।लगानीतर्फ लागत बढ्नेछ।अध्ययन अध्यापनमा पछि परिनेछ ।
लेखक: नेपाल ज्योतिष परिषद्,अर्घाखाँचीका उपाध्यक्ष हुन् ।
