राष्ट्रियसभा निर्वाचन- प्रदेश १ बाहेकमा राप्रपाको ‘नो भोट’

439

काठमाडौं । राष्ट्रिय प्रजातन्त्र पार्टीले राष्ट्रियसभाका निर्वाचनमा प्रदेश १ बाहेक अन्य प्रदेशका मतदान प्रक्रियामा सहभागी नहुने निर्णय गरेको छ ।

राप्रपाका केन्द्रीय पदधिकारीहरूको बैठकले प्रदेश १ मा पार्टीका उम्मेदवार अम्बरबहादुर विष्ट र रन्जु प्याकुरेललाई मत दिन पार्टीका मतदातालाई निर्देशन गरेको छ ।

अरु प्रदेशमा भने राप्रपाका उम्मेदवार नभएकाले मतदान प्रक्रियामा सहभागी नहुने निर्णय गरेको महामन्त्री भुवन पाठकले बताएका छन् । राप्रपाका वागमती प्रदेशमा दुई प्रदेशसभा सदस्य र दुई जना गाउँपालिकाका अध्यक्ष उपाध्यक्ष मतदाता छन् ।

गण्डकीमा दुई उपमेयर, कर्णालीमा एक प्रदेशसभा सदस्य छन् । अन्य प्रदेशमा राप्रपाका मतदाता छैनन् ।