घनश्याम पौडेल
अर्घाखाँची, १२ चैत । अर्घाखाँची जिल्लाको सन्धिखर्कमा स्थापना भएको साथी बचत तथा ऋण सहकारी संस्था र काठमाण्डौँ मेडिकल कलेज प्रालिका उपचारमा छुट दिने सम्झौता भएको छ ।
काठमाडौंको सिनामंगलमा रहेको नेपालको एक प्रतिष्ठित शिक्षण अस्पताल र साथी साकोसबीच भएको सम्झौता अनुसार साथी साकोसको सिफारिसमा जाने बिरामीहरुको उपचारका लागि मेडिकल कलेजले सहुलियतमा उपचार गराउँने भएको छ ।
काठमाण्डौं मेडिकल कलेजका कार्यकारी अध्यक्ष सैना शर्मा र साथी साकोसका अध्यक्ष प्रकाश भुसालले सम्झौता पत्रमा हस्ताक्षर गर्नुभएको छ ।
दुई संस्थाले गरेको सम्झौताअनुसार क्याविन, औषधी र उपचारमा लाग्ने औषधी बाहेकका अस्पतालले दिने सेवामा २० प्रतिशत छुट दिने भएको हो ।
यो सम्झौता भएसँगै साथी सहकारीका सदस्यहरुले सहुलियत रुपमा उपचार गर्न पाउँने साथी साकोसका अध्यक्ष प्रकाश भुसालको भनाई छ । सदस्यहरुको हितका निम्ती उपयुक्त सम्झौता भएको भन्दै आकस्मीक रुपमा विरामीहरु जानुपरेमा पनि अस्पतालसँग समन्वय गरी २४ घण्टाभित्र आवश्यक कागजपत्र पठाउँने गरी सम्झौता भएको हो ।
अर्घाखाँचीको सन्धिखर्क स्थापना भएको साथी सहकारीले सामाजिक उत्तरदायित्व अन्र्तगतका कामहरु गर्दै आएको छ।
