समाचार सारांश
Auto Generated by AI
- नेप्से परिसूचक ७.७९ अंकले घटेर २ हजार ६८८.८८ विन्दुमा झरेको छ।
- दैनिक कारोबार रकम घटेर ४ अर्ब २ करोड रुपैयाँमा सीमित भएको छ।
- अधिकांश समूहगत सूचक घट्दा १८६ कम्पनीको सेयर मूल्यमा गिरावट आएको छ।
काठमाडौं- नेपाल स्टक एक्सचेञ्ज (नेप्से) परिसूचक ७.७९ अंकले घटेर २ हजार ६८८.८८ विन्दुमा झरेको छ । बुधबारको बजारमा ७८ कम्पनीको मूल्य बढ्दा १८६ कम्पनीको घट्यो भने ११ कम्पनीको स्थिर रह्यो ।
सबै समूहगत सूचकको उतारचढाव १ प्रतिशतभन्दा कम रहेकाे छ । अन्य समूह ०.४३ प्रतिशत बढ्यो भने अरु घटेका छन् । बैंकिङ ०.२७, विकास बैंक ०.४२, फाइनान्स ०.५७, होटल तथा पर्यटन ०.५२, जलविद्युत् ०.३९, लगानी ०.२४, जीवन बीमा ०.१९, उत्पादन तथा प्रशोधन ०.५५, माइक्रोफाइनान्स ०.६०, निर्जीवन बीमा ०.५७ तथा व्यापार ०.०१ प्रतिशत घटेका छन् ।
यस्तै, मातृभूमि लघुवित्तको मूल्य ४.५४, कर्पोरेट डेभलपमेन्ट बैंकको ४.४२ तथा शुभम् पावरको ४.२६ प्रतिशत मूल्य घट्यो भने एभरेस्ट कलर कम्पनीको मूल्य १५ प्रतिशत बढ्यो । त्यस्तै स्नो रिभर्सको ४.९०, खानीखोला हाइड्रोपावरको ३.६२, हिमालयन पावर पार्टनरको ३.३५, मेन्छियाम हाइड्रोपावरको २.२४ प्रतिशत मूल्य बढ्यो ।
