अर्घाखाँची । अर्घाखाँचीको पोखराथोकमा एक जना पुरुषको बेवारिशे शव फेला परको छ ।
पाणिनि गाउँपालिकाकाे सालझन्डी-सन्धिखर्क सड्क अन्तर्गत पाेखराथाेककाे बालासिद्व मन्दिर नजिकैको भिरमा एक पुरुषको शव फेला परेको पोखराथोकका वडाध्यक्ष चन्द्रकान्त पौडेलले जानकारी दिए।
भिरको बिचमा शव अड्कीएको स्थानीयले देखेपछि प्रहरीलाई खबर गरेका थिए । घटनास्थलमा पोखराथोक प्रहरीचौकीको टिम र जिल्ला प्रहरी कार्यालय अर्घाखाँचीका प्रहरी निरिक्षक दिपेन्द्र रावलको टोली पुगेर अनुसन्धान गरिरहेको छ । मृत पुरुषको सनाखत हुन सकेको छैन ।
