१६ फाल्गुन २०८०, बुधबार
१६ फाल्गुन २०८०, बुधबार
spot_img

चिच्याएर वर माग्ने पाल्पाको सत्यवती मेलामा १८ लाख रुपैयाँभन्दा धेरै सङ्कलन

पाल्पा । चिच्याएर वर माग्ने पाल्पाको सत्यवती मेलामा १८ लाख रुपैयाँभन्दा बढी सङ्कलन भएको छ । तिनाउ गाउँपालिका–४ को सत्यवती तालको धार्मिक मेलामा १८ लाख ५० हजार तीन सय ३१ रुपैयाँ सङ्कलन भएको हो ।

यही मङ्सिर ७ देखि ११ गतेसम्म सञ्चालन भएको मेलामा भेटी र सहयोगबापत १८ लाख रुपैयाँभन्दा धेरै सङ्कलन भएको सत्यवती मन्दिर ताल संरक्षण विकास समितिका अध्यक्ष दानबहादुर गाहाले जानकारी दिए । आर्थिक पारदर्शिताका लागि मेला सकिएसँगै मन्दिर व्यवस्थापन समिति, गाउँपालिकाका कर्मचारी र जनप्रतिनिधिको उपस्थितिमा आम्दानीको हिसाब सम्पन्न भएको तिनाउ गाउँपालिकाका अध्यक्ष प्रेम श्रेष्ठले जानकारी दिए ।

कात्तिक महिनामा बाला चतुर्दशी र पूर्णिमा पर्ने वर्ष मात्र सत्यवती मेला लाग्ने गरेकोमा अहिले अहिले बाह्रै महिना दर्शनार्थी सत्यवती तालमा पुग्ने गरेका छन् । सत्यवती तालमा पुगेपछि बाँसको लिङ्गो गाड्ने र राती पूजा गर्दा त्यही लिङ्गो चिनेर पूजा गरी चिच्याउँदै तालको परिक्रममा गरेर वर माग्ने गरिन्छ । यो वर्ष जोग नपरेको भए पनि एक लाख ५० हजारभन्दा बढी भक्तजन तालमा पुगेका आयोजकले जनाएको छ ।

यो खबर पढेर तपाईलाई कस्तो महसुस भयो ?
  • खुसी (0%)
  • दुःखी (0%)
  • अचम्मित (0%)
  • हाँस्यास्पद (0%)
  • आक्रोशित (0%)
प्रतिक्रिया दिनुहोस्

सम्बन्धित खबर

ट्रेन्डिङ ↗

सामाजिक संजाल

भर्खरै ⏱️