अर्घाखाँची, २३ बैशाख । अर्घाखाँची जिल्लाको पाणिनी गाउँपालिका वडा नं. ४ पटौटीमा कम्प्युटर तालिमको सुरुवात भएको छ । तालिमको उद्घाटन गर्दै वडा अध्यक्ष हरिप्रसाद घिमिरेले प्रविधीको युगसँगै कम्प्युटरको महत्व बढी भएकाले सक्रियतापुर्वक सहभागी हुन अनुरोध गर्नुभयो । कम्प्युटरको महत्व दिनप्रतिदिन बढ्दै गएकाले सक्रिय सहभागिताका साथ तालिममा सहभागी हुन सहभागीलाई आग्रह गर्नुभयो ।
वडा सदस्य एकराज अधिकारीले सुचना र प्रविधीको युगमा वडा कार्यालय, स्वास्थ्य संस्था र विद्यालयहरु प्रविधीमैत्री बनाउँनुपर्ने बताउँनुभयो ।
कार्यक्रममा वडा सदस्य हुमकला विक, देवी प्रभाव माविका प्रअ हरिप्रसाद घिमिरे, शिक्षीका गिता घिमिरे, ठुलापोखरा आविका प्रअ रेनुप्रसाद घिमिरे लगाएतले मन्तव्य राख्दै कम्प्युटर तालिम महत्वपुर्ण भएकोले सक्रियतापुर्वक सहभागीता हुने बताउँनुभयो ।
कार्यक्रम देवी प्रभाव माविका व्यवस्थापन समितीका अध्यक्ष रामनाथ घिमिरेको अध्यक्षता, प्रशिक्षक कृष्णप्रसाद गैरेको स्वागत र घनश्याम पौडेलको सञ्चालनमा सम्पन्न भएको हो ।
वडा कार्यालयको आर्थिक सहयोग तथा आयोजना र लुम्बिनी मिडिया एजेन्सीको सहजीकरणमा तालिम हुन लागेको हो । देवि प्रभाव मावि र द्यौराली माविमा सञ्चालन हुने तालिम १५ दिनसम्म सञ्चालन हुनेछ । तालिममा ३० जना सहभागी हुनेछन् ।
