तिलोत्तमा । रुपन्देही जिल्लाको तिलोत्तमा नगरपालिकाको सहजीकरणमा सामुदायिक तथा संस्थागत माध्यामिक विद्यालय स्तरिय धार्मिक हाजिरीजवाफ प्रतियोगिता जेठ १९ गते सम्पन्न भएको छ । विद्यार्थीहरुमा धार्मिक जनजागरण र संस्कृति चेतना गराउने उदेश्यले तिलोत्तमा वडा नम्बर ६ को व्यवस्थापन तथा शान्ति दुर्गा मन्दिरको आयोजनामा धार्मिक हाजिरीजवाफ प्रतियोगिताको उपाधि श्री गीर्वाण सरस्वती मा. विले हाता पारेको छ ।
त्यस्तै दोस्रो स्थान स्मृति बोर्डिङ , तेस्रो स्थान जनज्योति मा. वि . र प्यारामाउन्ट प्रोत्साहन हुन सफल भएको छ । संस्कृत पढाई हुने बिद्यालय बाहेकका माध्यामिक स्तरका विद्यालयको सहभागिता रहेको सो प्रतियोगितामा प्रथम हुनेले नगद रु १२ हजार दोस्रोले रु ९ हजार, तेस्रो हुनेले ६ हजार र प्रोत्साहन हुनेले नगद रु ३ हजार सहित प्रमाणपत्र प्राप्त शान्ति दुर्गा मन्दिरका अध्यक्ष शिव पाठकले बताउनुभयो ।
तिलोत्तमा-६ का वडा अध्यक्ष गणेश पाठकको प्रमुख आतिथ्यमा भएको कार्यक्रमको संचालन सागर पाठकले गर्नु भएको थियोे कार्यक्रममा तिलोत्तमाका १६ विद्यालयहरूको सहभागिता रहेको थियोे । हाजिरजवाफको निर्णयकमा क्षत्रराज गौतम , बुद्धिसागर भट्टराई ,केशवराज भण्डारी शोभाखर भण्डारी रहनुभएको थियोे ।
कार्यक्रमको शुभारम्भमा पं भुपराज न्यौपाने र पं पदम ढकालले स्वस्ति वाचन गर्नुभएको थियोे । मौलिक सनातन धर्म संस्कृतिको प्रारम्भिक ज्ञान प्रबर्द्धन गर्ने उदेश्यले प्रतियोगिता संचालन गरिएको हो । प्रतियोगितामा एक समुहमा एक छात्रा सहित ३ जना र दर्ता नि:शुल्क रहेको थियोे ।
