- बिहीबार नेप्से परिसूचक १३.८२ अंकले घटेर २६५४.१५ विन्दुमा कायम भएको छ।
- बजार घटे पनि कारोबार रकम बढेर ४ अर्ब ६२ करोड रुपैयाँ पुगेको छ।
- व्यापार बाहेकका सबै समूह घटेका छन् भने जलविद्युत् समूहको कारोबार उच्च छ।
काठमाडौं- नेपाल स्टक एक्सचेञ्ज (नेप्से) परिसूचक १३.८२ अंकले घटेर २ हजार ६५४.१५ विन्दुमा कायम भएको छ । बिहीबारको सेयर बजारमा ६४ कम्पनीको मूल्य बढ्दा २०२ कम्पनीको घटेको छ भने १० कम्पनीको स्थिर रह्यो ।
बिहीबार व्यापार बाहेक सबै समूहका सूचक घटेका छन् । सो समूहगत सूचक ०.५९ प्रतिशत बढ्यो । समूहगत कारोबार हेर्दा हाइड्रोपावर समूहको सबैभन्दा धेरै २ अर्ब ४७ करोडको कारोबार भयो । अपर लोहोरेखोलाको मूल्य बिहीबार १५ प्रतिशत बढ्यो । त्यस्तै कालंगा हाइड्रोको ४.६२, सानीगढ हाइड्रोको २.४६ प्रतिशत मूल्य बढ्यो ।
यस्तै, स्नो रिभर फल्सको ५.००, जोशी हाइड्रोपावरको ४.७० तथा कृषि विकास बैंकको मूल्य ३.५० प्रतिशत घट्यो । बैंकिङ ०.८४, विकास बैंक ०.३८, फाइनान्स ०.१०, होटल तथा पर्यटन ०.४६, जलविद्युत् ०.३८, लगानी ०.३०, जीवन बीमा ०.६७, उत्पादन तथा प्रशोधन ०.८८, माइक्रोफाइनान्स ०.३०, निर्जीवन बीमा ०.७३, अन्य ०.२८ प्रतिशत मूल्य घट्यो । त्यस्तै वाणिज्य बैंकहरुको ४९ करोड ८२ लाख, विकास बैंकहरुको ३१ करोड, फाइनान्सहरुको २७ करोड रुपैयाँ बराबरको कारोबार भयो ।
