शिवलाल पौडेल
काठमाडौँ, १९ पौष । नेपाल संस्कृत विश्वविद्यालयका उपकुलपति प्राडा धनेश्वर नेपालले हाम्रा प्राचीन ऋषिमहर्षिहरुको लामो तपस्याद्वारा निःसृत संस्कृत वाङ्मयमा ज्ञानविज्ञानको धारा प्रवाहित हुँदै आएकाले यसको मौलिकताको रक्षाका साथै आधुनिकीकरण गर्ने प्रतिबद्धता व्यक्त गर्नुभयो ।
प्रधानमन्त्री निवास बालुवाटारमा भएको नेपाल संस्कृत विश्वविद्यालयको ७७ औँ सभा-बैठकमा बौल्दै उपकुलपति नेपालले उक्त कुरा बताउनुभयो ।
विश्वविद्यालयका कुलपति एवम् प्रधानमन्त्री केपी शर्मा ओली, सहकुलपति एवम् शिक्षा विज्ञान तथा प्रविधिमन्त्री विद्या भट्टराई समेतले सम्बोधन गरेको उक्त बैठकले आर्थिक वर्ष २०८१-०८२ को वार्षिक शैक्षिक कार्यक्रम तथा आयव्यय बजेट पारित गरेको थियो ।
