अर्घाखाँची, १६ माघ । अर्घाखाँची जिल्लाको पाणिनी गाउँपालिकाको दुर्गाफाटमा खुल्ला भजन प्रतियोगिता हुने भएको छ । लायन्स क्लब पाणिनी अर्घाखाँचीको आयोजनामा फागुन १४ गते महाशिवरात्रीको दिन हुने भजन प्रतियोगितामा प्रथम, द्धितिय, तृतिय र सान्त्वनाले क्रमश ३३,३३३।, २२,२२२।, ११,१११। र ५,५५५। पुरस्कार र प्रमाणपत्रले सम्मान गरिने लायन्स क्लब पाणिनीका अध्यक्ष अर्जुन पोख्रेलले जानकारी दिनुभयो ।
महाशिवरात्रीको दिन दुर्वावेश्वर गुफाको प्रचारप्रसार सहित धार्मिक क्षेत्रको गरिमा बढाउँनका लागी भजन प्रतियोगिता राखिएको आयोजकले जनाएको छ । पाणिनी गाउँपालिका धार्मिक पर्यटकिय क्षेत्रका रुपमा सम्भावना बोकेको गाउँपालिका हो ।
