विराटनगर । कोशी प्रदेश सरकारले आगामी आर्थिक वर्ष २०८२–८३ का लागि ३५ अर्ब ८७ करोड ९९ लाखको बजेट प्रस्तुत गरेको छ । यो चालु आर्थिक वर्षको तुलनामा १.७ प्रतिशतले बढी हो ।
आर्थिक मामिला तथा योजना मन्त्री रामबहादुर मगरले प्रस्तुत गरेको बजेटमा पूँजीगत तर्फ १७ अर्ब १० करोड ६५ लाख र चालु तर्फ १८ अर्ब ६७ करोड ३३ लाख बजेट विनियोजन गरे । वित्तीय व्यवस्थापन तर्फ १० करोड विनियोजन भएको छ ।
ज्योतिष, वास्तु तथा तान्त्रिक विद्या अध्ययन अनुसन्धान केन्द्र स्थापना गर्ने विषय पनि बजेटमा समेटिएको छ । यो शीर्षकमा बजेटको अंक भने तोकिएको छैन ।
बजेट वक्तब्यको बुँदा नं. १०९ मा लेखिएको छ, ज्योतिष, वास्तु एवम् तान्त्रिक अध्ययन अनुसन्धान केन्द्र स्थापना गर्न आवश्यक व्यवस्था मिलाएको छु ।
