गुल्मी, १० माघ । गुल्मीको रेसुङ्गा नगरपालिकाको गर्जुरामा निर्माण सम्पन्न रेसुंगा पार्क खुलेको छ । धार्मिक, पर्यटकीय र ऐतिहासिक महत्त्व बोकेकोे रेसुंगा क्षेत्रमा बनेको रेसुंगा पार्क खुलेको हो ।
निर्माण सम्पन्न भएको लामो समयसम्म पनि संचालनमा आउन नसकेको रेसुङ्गा पार्क आजबाट खुला गरेको रेसुंगा नगरपालिका प्रमुख खिलध्वज पन्थीले जानकारी दिए । निरन्तरको प्रयासबाट बजेट निकासा गरि निर्माण व्यवसायीले पाउनु पर्ने सम्पूर्ण रकम झण्डै ३ करोड चुक्ता गरी पार्क खोल्न सहजीकरण गरेको नगर प्रमुख पन्थीले बताए ।
पार्क खुलाउँन मेयर पन्थीको पहल रहेको छ । पार्क खुलेसँगै मेयर पन्थीको नेतृत्वमा निरिक्षण समेत भएको छ ।
पार्कको अवलोकन गरी भरपुर मनोरन्जन लिन गुल्मीबासी लगायत सम्पुर्णमा रेसुंगा नगरपालिकाले आग्रह गरेको प्रमुख प्रशासकिय अधिकृत हरिप्रसाद अर्यालले जानकारी दिए । पार्क खुलेसँगै रेसुंगा नगरपालिकाको समुन्नतीको यात्रामा थप टेवा पुग्ने बिश्वास लिएको छ ।
