काठमाडौं । नेपाल निजामती कर्मचारी युनियनका सचिव प्रकाश भट्टराईले कोशी प्रदेशका मुख्यमन्त्री केदार कार्कीले व्यक्त गरेको शव्द गैरजिम्मेवारी भएको टिप्पणी गर्नुभएको छ ।
केहि दिन अगाडी कोशी प्रदेशका मुख्यमन्त्री कार्कीले एक कार्यक्रममा दिएको अभिव्यक्तीले राष्ट्रसेवक कर्मचारीलाई दुःखीत बनाएको बताउँनुभयो । उहाँले देशको स्थायी सरकार समेत भनिने कर्मचारीतन्त्रको र आत्मसम्मानमा आँच आँउने तथा मानमर्दन हुनेगरी दिएको अभिव्यक्ती विडम्मना भएको भन्दै खेद व्यक्त गर्नुभएको छ ।
मुख्यमन्त्री जस्तो व्यक्तीले कर्मचारीको आत्मसम्मानमा ठेस लाग्ने गरी गैरजिम्मेवार तुच्छ टिप्पणी गरेको आरोप लगाउँनुभयो । शैक्षिक कार्यक्रममा कलिला विद्यार्थीका अगाडी अपरिपक्क एवम् भ्रामक कुराहरु व्यक्त गर्नु लज्जास्पद रहेको बताउँनुभयो ।
यसबाट विद्यार्थीमा पर्ने प्रभाव कस्तो पर्छ ? २१ औँ शताव्दीमा अव्वल, सक्षम व्यक्ती चाहिन्छ, कर्मचारीतन्त्र अव्वल क्षेत्रबाट आएका हुन्छन्, प्रशासन र राजनितिक क्षेत्र एक सिक्काका दुईपाटा हुन उहाँले भन्नुभएको छ । कर्मचारी तन्त्रमा लगाएतको आरोपले सरकार कसरी सञ्चालन गर्नुहुन्छ, सरकारका निर्णय कार्यान्वयन उहाँले कसरी गर्नुहुन्छ ?
मुख्यमन्त्रीले दिएको अभिव्यक्ती सच्चाउँन भटट्राईले आग्रह गर्नुहुदैँ कर्मचारी माथि आँच आउँने गरी तुच्छ शव्द प्रयोग नर्गन उहाँले आग्रह गर्नुभएको छ ।
मुख्यमन्त्री कार्कीले केही दिनअघि कक्षाकोठामा पहिलो बेन्चमा बस्ने (फर्स्ट बेन्चर) साथी खरदार भएको र अन्तिम बेन्चमा बस्ने (लास्ट बेन्चर) आफू भने मुख्यमन्त्री भएको अभिव्यक्ति दिनुभएको हो।
