अर्घाखाँची, २५ चैत । अर्घाखाँची जिल्लाको पाणिनी गाउँपालिका वडा नं. ७ वडा कार्यालयले अड्गुरीमा रहेको भजन मण्डली समुहलाई वाद्यवादन हस्तान्तरण गरेको छ । वडा कार्यालयले चालु आर्थिक वर्षमा विनियोजन गरेको ६० हजार र अड्गुरी भजन मण्डली समुहको ३० हजार गरी ९० हजारका सामाग्री वडा अध्यक्ष गुनाखर अधिकारीले एक कार्यक्रमको आयोजना मार्फत हस्तान्तरण गर्नुभयो ।
सामाग्री हस्तान्तरण गर्दै वडामा रहेका हरेक धर्म र संस्कृतिको रक्षा गर्नुपर्छ, सबै धर्म समान हुन, सबै धर्मको संरक्षण भएका सुन्दर वडा बन्छ, अधिकारीले भन्नुभयो । हिन्दु धर्मको महत्व पनि बढी छ, सनातन धर्मसंस्कृतिको रक्षा सँगै युवापुस्तामा पनि भजन सिकाउँनुपर्नेमा अधिकारीको भनाई रहेको छ । कार्यक्रममा वडा सदस्य प्रेम थापा, विन्दु घर्ति, कल्पना विक, वडा सचिव नन्दा भट्टराई, भजन मण्डली समुहका अध्यक्ष माधव पोख्रेल, सचिव लक्ष्मण न्यौपाने लगाएत सहभागी थिए ।
