सवै बा -आमा प्रती समर्पित !!
सन्तानलाई दुख्दा,
बा’लाई पनि दुख्छ
आमा’लाई पनि दुख्छ
सन्तानलाई दिने ‘थोक’ केहि हुँदैन
केवल बा’ले छाती भरिको ‘हिम्मत’ दिन्छन्
आमा’ले मुटुभरिको ‘माया’ दिन्छिन्
खै कसरी हो कुन्नी?
ठ्याक्कै निको हुन्छ !
ठिक त्यसैगरी,
बा-आमालाई दुख्दा,
सन्तानलाई पनि दुख्छ
बा-आमालाई दिने ‘धेरै थोक’ पनि हुन्छ
तर
के दिउँ के दिउँ ?अलमल हुन्छन्
त्यहि अलमलको कारण
बा-आमाको दुखाई
निको हुन अलि समय लाग्छ
निको भएपनि बल्झीरहन्छ
अझ,
कती को त जीवनभर निको हुँदैन!
ठ्याक्कै,
’निको हुने दुखाई’
सन्तानलाई बरू दुखे दुखोस्,
‘निको नहुने दुखाई’
बा-आमालाई कहिल्यै नदुखोस्
यहाँ,
सन्तान ‘अलमल’ भईरहन्छन् !(सबै बा-आमा प्रति समर्पित)
