अर्घाखाँची, २९ असार । लायन्स क्लब अफ पाणिनी अर्घाखाँचीको बैठक सम्पन्न भएको छ । वर्ष २०२४÷०२५ को पहिलो बैठकमा लायन्स क्लब अफ डिस्टीक ३२५ एलसिआईएफ कोडनेटर हरिप्रसाद भुसालले यो संस्था सामाजिक क्षेत्रमा क्रियाशिल भएर काम गर्ने संस्था भएकाले सामाजिक मनोभावना राखी काम गर्नुपर्ने बताउँनुभयो ।
उहाँले संस्थाले आगोलागी, बाढि, पहिरो पिडित लगाएतका क्षेत्रमा राहत वितरण गर्ने सँगै समाजमा केहि गर्ने उद्देश्यले सञ्चालन भएको अन्तराष्ट्रिय संस्था भएको बताउँनुभयो ।
बैठकमा पुर्व गाउँपालिकाका अध्यक्ष अच्युत गौतमले स्थापना भएको लायन्स क्लबले नमुना मोडल गाउँको रुपमा पणेना सिम्लेमा गरेको कामको सुरुवात भएको र यो संस्थालाई निरन्तरता दिई अगाडी बढाउँन आग्रह गर्नुभयो ।
लायन्स क्लब अफ पाणिनी अर्घाखाँचीका अध्यक्ष अर्जुन पोख्रेलको अध्यक्षता, सचिव घनश्याम पौडेलको सञ्चालनमा भएको बैठकले २०८१ साउन २ गते बुधबार हरिशयनी एकादशीको दिन दुर्वावेश्वर गुफा दुर्गाफाट परिसरमा पिपल, बर, रुद्राक्ष, श्रीखण्ड, बोधचित्त, स्वामी, तुलसी रोप्ने निर्णय गरेको छ । साथै लायन्समा आवद्ध हुनका लागि सामाजिक क्षेत्रमा क्रियाशिल र सामाजिक मनोभावना भएका स्थानियलाई आग्रह गरिएको कोषाध्यक्ष कृष्ण गैरे बताउँनुभयो ।
