काठमाडौं । नेपाली कांग्रेसका नेता डा. शेखर कोइराला र महामन्त्री गगन थापाबीच ११ महिनापछि भेटवार्ता भएको उच्च स्रोतले जनाएको छ । उनीहरुको भेट शुक्रबार बिहान कोइराला सम्पर्क कार्यालयमा भएको कोइरालाको सचिवालयले जनाएको छ ।
पछिल्लो समय दुई नेताबीच संवाद कम भएको आशंका भइरहेको समयमा कोइराला–थापाबीच भेटलाई अर्थपुर्ण रुपमा हेरीएको छ । संसदिय दलको नेतामा गगन थापा संस्थापन इतर समुहबाट उम्मेदवार बन्दा शेखरको साथ थियो । शेखरपक्षीय नेता मिनेन्द्र रिजालका अनुसार गगन थापा र शेखर कोइराला मिलेर अगाडी बढ्नुहुन्छ, भेटघाट सामान्य हो । गगन पक्षीय एक नेताका अनुसार उहाँहरु मिलेर एक जना सभापति र एक जना प्रधानमन्त्री बन्ने गरी अगाडी बढ्ने सम्भावना भएको स्रोतले जनाएको छ ।
संस्थापनइतर नेताहरूका अनुसार यसअघि विशालनगरमा प्रधानमन्त्री केपी शर्मा ओली नेतृत्वको सरकारमा आफ्नो समूहबाट मन्त्री पठाउने विषयमा दुई नेताबीच छलफल भएको थियो । शेखर कोइरालाका स्वकीय सचिव दिनेश थपलियाका अनुसार आजको बैठकमा उपसभापति धनराज गुरुङ र सहमहामन्त्री जीवन परियार पनि सहभागी भएका ििथए, ‘गगन दाइ आउनुभएको थियो । पार्टीका नेताहरू भेट्ने कुरा के अनौठो भयो र ?
