समाचार सारांश
Auto Generated by AI
- पूर्वी तराईमा धार्मिक सद्भाव बिथोल्ने गतिविधि हुनु दुःखद छ।
- सामाजिक सञ्जालमा अफवाह फैलाउने र उत्तेजित हुने कार्यले समाजमा विभाजन बढाउँछ।
- यस्तो संवेदनशील समयमा सबैले संयम अपनाएर सद्भाव कायम राख्नुपर्छ।
काठमाडौं। नेपाल प्रहरीका प्रहरी महानिरीक्षक (आईजीपी) दानबहादुर कार्कीले पूर्वी तराईका केही स्थानमा धार्मिक सद्भावमा खलल पुग्ने तथा डर र त्रासको वातावरण सिर्जना गर्ने गतिविधि देखिनु दुःखद भएको बताएका छन्।
आईजीपी कार्कीले सामाजिक एकतामा असर पुग्ने गरी सामाजिक सञ्जालमार्फत अफवाह फैलाउने, उत्तेजक अभिव्यक्ति दिने वा कानुन उल्लंघन गर्ने कार्य कसैको पनि हितमा नहुने बताएका छन्।
यस्ता गतिविधिले समाजमा तनाव, अविश्वास र विभाजन मात्रै बढाउने उनको भनाइ छ।
संवेदनशील अवस्थामा अफवाह, उत्तेजना र घृणाभन्दा विवेक, संयम र सद्भावको बाटो अवलम्बन गर्नुपर्नेमा उनले जोड दिएका छन्।
