घनश्याम पौडेल
अर्घाखाँची, ५ कात्तिक । अर्घाखाँची जिल्लाको पाणिनी गाउँपालिका वडा नं. ५ मैदानमा रहेको आलमदेवी मन्दिरमा कात्तिक ११ गते पुर्णिमा मेला लाग्ने भएको छ ।
दशैको पुर्णिमाको दिन लाग्ने पुर्णिमा मेलामा हजारौँ भक्तजनहरुको उपस्थिती रहन्छ । प्रत्येक वर्ष कोजाग्रत पुर्णिामाको दिन लाग्ने मेला सँगै सराय नाँच तथा मन्दिरमा भक्क्ल गरेका पुजा हुने गर्छन ।
पुर्णिमा मेलाको दिन राति चन्द्र ग्रहण र सुतक लाग्ने भएकोले मेला, पुजा, सराय नाचँ बेलुका ४ बजेसम्ममा सम्पन्न गर्नुपर्ने स्थानिय समाजसेवी तथा कृष्ण माविका प्रअ टेकनारायण गैरेले बताए । मेला, सराय नाचँ तथा पुजाआजाका लागी आयोजकले तयारी तिव्र बनाएको पण्डित तथा मन्दिर व्यवस्थापन समितीका अध्यक्ष चन्द्रमणि घिमिरेले बताए ।
आफन्तजनको भेटघाट हुने, चिनजान हुने, सराय नाँच हेर्न पाईने, पुजा गर्न पाईने भएकाले पनि पाणिनी बासीको घुईचो मन्दिरमा लाग्ने गर्छ ।
