१ असार २०८१, शुक्रबार
१ असार २०८१, शुक्रबार
spot_img

भुकम्पपीडितले राहत समयमा पाइरहेका छैनन्, सरकार लागिपरेको छ: हरिवोल गजुरेल

काठमाडौं । माओवादी केन्द्रका उपमहासचिव हरिवोल गजुरेलले भुकम्प पीडितले राहत समयमा नपाइरहेको स्विकार गर्नु भएको छ ।

नेपाली रेडियो नेटवर्कको नेपाली बहसमा पत्रकार ऋषि धमलासँग अन्र्तवार्तामा कुरा गर्दै प्रधानमन्त्रीका प्रमूख राजनीतिक सल्लाहकार समेत रहनुभएका गजुरेलले जाजरकोट र रुकुमपश्चिमका भुकम्प पीडितले राहत पर्याप्त रुपमा र समयमै नपाएको कुरा यथार्थ रहेको स्विकार गर्नुभएको हो । अपेक्षा अनुसार राहत नपाए पनि पाउँदै नपाएको भन्ने कुरा भने गलत भएको नेता गजुरेलको भनाइ छ ।

प्रधनमन्त्री पुष्पकमल दाहाल प्रचण्डको प्रत्यक्ष पहलमा तीव्र गीतमा देशविदेशबाट आर्थिक सहयोग आइरहेको दाबी गर्दै उहाँले वितरणमा केहि ढिलाइ भइरहेको भए पनि राहत र उद्धारमा सरकार लागिपरेको र सबैलाई चाँडै पु¥याउने विश्वास दिलाउनुभयो । पीडितले भोगिरहेको पिडा र समस्या सरकारले महसुस गरिरहेकाले सोहि अनुसार आफ्नो सम्पूर्ण शक्ती लगाएर राहतमा लागिपरेको नेता गजुरेलले बताउनुभयो ।

गत शुक्रबार जाजरकोट केन्द्रबिन्दु भएर गएको भूकम्पमा परेर घरबासविहीन हुनेको सङ्ख्या झण्डै ६२ हजार पुगेको छ ।
जाजरकोट, रुकुम पश्चिम, सल्यान, रोल्पा, नवलपरासी पूर्व, दैलेख, दाङ, बैतडी, जुम्ला, कालीकोट, प्युठान र अछाममा गरी ६१ हजार ९ सय २३ वटा घरमा पूर्ण तथा आंशिक क्षति पुगेको सरकारी तथ्याङ्क रहेको छ ।

यो खबर पढेर तपाईलाई कस्तो महसुस भयो ?
  • खुसी (0%)
  • दुःखी (0%)
  • अचम्मित (0%)
  • हाँस्यास्पद (0%)
  • आक्रोशित (0%)
प्रतिक्रिया दिनुहोस्

सम्बन्धित खबर

spot_img

ट्रेन्डिङ ↗

सामाजिक संजाल

भर्खरै ⏱️