१ असार २०८१, शुक्रबार
१ असार २०८१, शुक्रबार
spot_img

जाजरकोटमा प्रदीप पौडेल नेतृत्वको टोलीले थाल्यो अस्थायी आवास निर्माणको काम

काठमाडौँ । नेपाली कांग्रेसका नेता प्रदीप पौडेल नेतृत्वको टोलीले भूकम्पबाट प्रभावित जाजरकोटमा अस्थायी आवास निर्माणको कार्य थालनी गरेको छ । पार्टीको निर्णयअनुसार पौडेल नेतृत्वको एक टोली पुगेर नलगाड नगरपालिका वडा नम्बर ५ स्थित रघुनाथ टोलमा मंगलबारदेखि अस्थायी टहरा निर्माणको काम थालेको महासमिति सदस्य सुशिल भट्टले जानकारी दिए ।

उनका अनुसार टोलीले करिब १०० स्थानीयको अस्थायी आवास निर्माणमा सहयोग गर्ने लक्ष्य लिएको छ । १५० जनाको टोलीले क्षतिग्रस्त भएका घरहरुको भग्नावशेष पन्छाउन पनि सहयोग गर्नेछ ।
टोलीमा नेता पौडेलसहित दिल्लीराम सुवेदी, दीपकबाबु कडेल, भागवत् रेग्मी, सुशील भट्टलगायतका नेता कार्यकर्ता रहेका छन् ।

जसअनुसार कांग्रेसले इन्जिनियर, डकर्मीसहित २५ वटा टोली भूकम्प प्रभावित क्षेत्रमा टहरा बनाउन परिचालन गर्ने निर्णय गरेको थियो । उक्त निर्णयलगत्तै पौडेल नेतृत्वको पहिलो टोली भूकम्प प्रभावित क्षेत्रतिर गएको हो ।

पौडेल नेतृत्वको टोली नलगाड नरगपालिका ४ र ५ नम्बर वडामा खटिनेछ । टोलीमा नेपालगन्ज र सुर्खेतबाट ३५ जना सिकर्मी–डकर्मी, ५–६ जना इन्जिनियर समेत लगिएको सुवेधीले जानकारी दिए ।

May be an image of 5 peopleMay be an image of 3 peopleMay be an image of 5 peopleMay be an image of 5 peopleMay be an image of 1 person and foundryMay be an image of 3 people and lumberyard

यो खबर पढेर तपाईलाई कस्तो महसुस भयो ?
  • खुसी (0%)
  • दुःखी (0%)
  • अचम्मित (0%)
  • हाँस्यास्पद (0%)
  • आक्रोशित (0%)
प्रतिक्रिया दिनुहोस्

सम्बन्धित खबर

spot_img

ट्रेन्डिङ ↗

सामाजिक संजाल

भर्खरै ⏱️