९ फाल्गुन २०८०, बुधबार
९ फाल्गुन २०८०, बुधबार
spot_img

`समुदायमा कांग्रेस´ अभियानका लागी प्रतिनिधी खटिए, अर्घाखाँचीमा निधी

काठमाडौं । नेपाली काग्रेस केन्द्रीय कार्यसमितिको निर्णय बमोजिम प्रारम्भ भएको समुदायमा कांग्रेस अभियानका लागि जिल्ला जिल्लामा केन्द्रीय प्रतिनिधि खटाएको छ । अभियानको कार्यक्रमलाई थप प्रभावकारी बनाउँदै फरक फरक जिल्लामा फरक फरक समुदायको बीचमा पुग्न र संवाद गर्न प्रतिनिधी खटाएको काँग्रेस केन्द्रीय कार्यालयका मुख्यसचिव कृष्णप्रसाद पौडेलले बताए ।

टोलीमा केन्द्रीय नेतृत्व सँगसँगै प्रदेशले तोकेका पदाधिकारीहरु सरिक हुनेछन् । तोकिएका जिल्लाहरुमा भिन्न(भिन्न समुदायका बीचमा भ्रमण, भेटघाट र छलफलहरुको संयोजन पार्टी जिल्ला कार्यसमितिले गर्नेछ । टोली माघ १६ गते सहिद दिवसदेखि २६ गते सुशील कोइराला स्मृति दिवससम्म जिल्लामा रहनेछ ।

जसअन्र्तगत कोशी प्रदेशको झापा र सुनसरीमा डा. शेखर कोईराला, संखुवासभा, भोजपुर, तेह्रथुम र धनकुटामा डा. नारायण खड्का, मोरङ, ताप्लेजुङ, पाँचथर, इलाम, ओखलढुंगा र उदयपुरमा बलबहादुर केसी, मधेस प्रदेशको महोत्तरी, सिराहा, सप्तरी र धनुषा, वागमती प्रदेशका सिन्धुली र मकवानपुरमा प्रकाशमान सिंह, बारा, पर्सा, रौतहट र सर्लाही, धादिङ र चितवनमा महालक्ष्मी उपाध्याय ‘डिना’, काठमाडौ, काभ्रे, सिन्धुपाल्चोक, नुवाकोट र रसुवामा डा. मिनेन्द्र रिजाललाई प्रतिनिधी खटाएको छ ।

ललितपुर, भक्तपुर, रामेछाप र दोलखामा पुष्पा भुसाल, तनहुँ, लमजुङ, गोर्खा, पर्वत र नवलपुरमा महेन्द्र यादव, कास्की, स्याङ्जा, म्याग्दी र बागलुङमा प्रदिप पौडेल, लुम्बिनी प्रदेशको रुपन्देही, अर्घाखाँची, दाङ, पाल्पा, बाँके र रोल्पामा विमलेन्द्र निधि, कपिलवस्तु, पाल्पा, गुल्मी, रुकुम ९पूर्व०, बर्दिया, प्युठान र नवलपरासीमा डा.डिला संग्रौला
कर्णाली प्रदेशको दैलेख, सल्यान र सुर्खेतमा डा. शंशाक कोईराला, सुदुरपश्चिम् प्रदेशको कैलाली, डोटी, अछाम, बझाङ, डडेल्धुरा, दार्चुला, बैतडी र कंचनपुरमा भिष्मराज आङ्देम्बे प्रतिनिधीको रुपमा काँग्रेसले खटाएको केन्द्रीय कार्यालयले जनाएको छ ।

काँग्रेसका अनुसार केही हिमाली जिल्ला र भूकम्प प्रभावित दुई जिल्लामा यो अवधिको अभियान राखिएको छैन ।

May be an image of ticket stub and textMay be an image of ticket stub and text

यो खबर पढेर तपाईलाई कस्तो महसुस भयो ?
  • खुसी (0%)
  • दुःखी (0%)
  • अचम्मित (0%)
  • हाँस्यास्पद (0%)
  • आक्रोशित (0%)
प्रतिक्रिया दिनुहोस्

सम्बन्धित खबर

ट्रेन्डिङ ↗

सामाजिक संजाल

भर्खरै ⏱️