रुकमागत भट्टराई
अर्घाखाँची, २६ माघ । अर्घाखाँची जिल्लाको पाणिनी गाउँपालिकाको वडा नं. ८ पालिमा सम्झौता भएको एक बर्षमा प्रहरी चौकी निर्माण सम्पन्न भएको छ । भवनको शुक्रबार लुम्बिनी प्रदेश प्रहरी कार्यालयका प्रमुख प्रहरी नायब महानिरीक्षक कुबेर कडायतले भवनको उदघाटन गरे ।
भवनको उद्घाटन गर्दै कठायतले भने ‘नागरिकसँगको उचित समन्वय र सहकार्यमा कानून विपरीतका गतिविधि नियन्त्रण गरी समाजमा प्रभावकारी शान्ति सुरक्षा व्यवस्था कायम गर्न सकिने उल्लेख गर्दै स्थानीय जनसमुदायलाई प्रहरीसँग निरन्तर समन्वय, सहकार्यको लागि कुबेर कडायतले आग्रह समेत गरेका छन् ।’
कार्यक्रममा पाणिनि गाउँपालिकाका अध्यक्ष टेकराज न्यौपाने, सहायक प्रमुख जिल्ला अधिकारी मेधनाथ पाध्य, ईश्वरि बक्स गुल्मका गुल्मपती महेश्वर थापा, प्रहरी नायब उपरीक्षक प्रतीत सिंह राठौर, प्राबिधिक प्रहरी नायब उपरीक्षक इ. रोशन शारु, सशस्त्र प्रहरी बल ३६ न. का गुल्मपती प्रहरी नायब उपरीक्षक भिमसेन बोहरा, प्रमुख अनुसन्धान अधिकृत इश्वरी आचार्य, कोष तथा लेखा नियन्त्रक कार्यालयका निमित्त कार्यलय प्रमुख राजु पान्डे, पाणिनि गाउँपालिकाका प्रमुख प्रशासकीय अधिकृत रोमनाथ न्यौपाने, जिल्ला समन्वय समितिका सदस्य कमल घिमिरे, वडाअध्यक्षहरु इन्द्रमणि घिमिरे, कृष्णप्रसाद पौडेल, गुनाखर अधिकारी, रोमबहादुर पाण्डे लगाएतका सरोकारवाला निकायको सहभागिता रहेको थियो ।
अर्जुन बिल्डर्स एन्ड कम्पनी प्रालि रेसुङा गुल्मीले २०७९ पुस ७ गतेका दिन दुई करोड उन्नान्सय लाख तीन हजार पाँच सय उन्पचाँस हजार रुपैयामा सम्झौता गरेको थियो ।
भवन निर्माणमा सहयोग गर्ने सरोकारवाला निकाय, निर्माण कम्पनी लगाएतलाई सम्मानपत्रले सम्मान गरिएको थियो । उद्घाटन पश्च्यात प्रहरी चौकी परिसरमा वृक्षारोपण गरिएको थियो । यहाँ स्थापना भएको प्रहरी चौकीबाट सेवा दिने पाणिनीका ४ वडाहरु रहेका छन् । यसअघि गाउँले घरमा प्रहरी चौकी रहदैँ आएको थियो ।
