रौतहट, १३ बैशाख । जिल्ला अदालत रौतहटले कांग्रेस नेता तथा पुर्वसांसद मोहम्मद अफताब आलमलाई जन्मकैदको सजाय सुनाएको छ ।
बिहीबार न्यायाधीश मातृकाप्रसाद आचार्यको इजलासले काँग्रेस नेता आलमलाई जन्मकैदको सजाय सुनाएको हो ।
आलम २०६४ साल चैत २७ गते रौतहटको राजपुरमा बम बिस्फोटमा घाइते भएकाहरुलाई इँटाभट्टामा हालेर हत्या गरेको आरोपमा उनलाई अदालतले सजाय सुनाएको हो । घटना रौतहटको राजपुरमा १७ वर्ष अगाडी भएको हो ।४ जनालाई जन्मकैद, एकजना सफाई, ६ जना मुलतवीमा राखिएको हो ।
अदालतका स्रेस्तेदार उद्धव ढोडारीका अनुसार मो. अफताब आलमका भाई मोहम्मद मोहताब आलम, सेख सराज र बद्री सहनीलाई पनि जन्मकैदको सजाय सुनाइएको छ । सहनी ईटा भट्टाका मुनसी थिए ।
यस्तै, आरोपी मुक्ति शाहले सफाइ पाएका छन् । शाह पनि ईटाभट्टामै कार्यरत थिए । आरोपी ६ जनाको हकमा फैसला सुनाइएन । स्रेस्तेदार ढोडारीले ६ जना फरार रहेकाले मुद्दा मलतबीमा राखिएको बताए ।
