बुटवल । बुटवलको मिलनचोकमा रहेको डेल्टा मार्टमा आगलागी भएको छ । मार्टको माथिल्लो तलाबाट सुरु भएको आगलागीका कारण मार्टको तेस्रो तलामा रहेको खलकुद र स्टेसनरीका सामानहरु जलेर नष्ट भएका छन् ।
आगलागी नियन्त्रणका लागि रुपन्देहीका ६ वटा दमकल आगलागी स्थलमा पुगेका हुन । आगो नियन्त्रणमा आएको बताईएको छ । स्थानीय र प्रहरीले आगलागी नियन्त्रणको प्रयास गरेका थिए ।
बिद्युत सर्ट भएर आगलागी भएको हुन सक्ने मार्टका संचालक घनश्याम पाठकले बताए । शिक्षण पेशाका अगुवाहरुले संचालन गरेको डेल्टा मार्टले पछिल्लो समय बुटवलमा लोकप्रियता कमाउँदै गएको थियो । तल्लो तलामा जुत्ता बजार रहेको मार्टमा ग्रोसरी, स्टेसनरी, खेल सामाग्री लगायतका सामाग्रीहरु बिक्रि वितरण हुँदै आएको सञ्चालकले बताएका छन् ।
आगलागी पूर्ण नियन्त्रणमा आउन अझै २-३ घण्टा लाग्न सक्नेइलाका प्रहरी कार्यालय बुटबलले जनाएको छ ।
