बुटबल, ८ भदौ । नेपाल विद्यार्थी संघ अर्घाखाँची रुपन्देही सम्पर्क समाजको संयोजकमा रमेश पाण्डे चयन भएका छन् । बुटबलमा बसेको नेविसंघ निकट विद्यार्थीहरुको भेला तथा बैठकबाट पाण्डेलाई सम्पर्क समाजको संयोजकको रुपमा जिम्मेवारी दिईएको हो ।
संयोजक पाण्डे सहित अर्घाखाँचीका ६ वटै पालिकाबाट प्रतिनिधीत्व हुनेगरी बुटबलमा बस्ने विद्यार्थीहरु समेटी अधिवेशन सम्पन्न गर्ने समिती बनाईएको हो । पाण्डे नेतृत्वको समितीले आगामी असौजको द्रोसो हप्ताभित्र नेविसंघ अर्घाखाँची–रुपन्देही सम्पर्क समाजको अधिवेशन गर्नेछ ।
बैठकमा नेविसंघ अर्घाखाँचीका अध्यक्ष कृष्ण भुसाल, केन्द्रीय सदस्य प्रदिप घर्ती मगर, विकास पाण्डे, पुर्व केन्द्रीय सदस्य टंक पाण्डे, काँग्रेस युवा नेता ठाकुर घिमिरे, प्रेस युनियन केन्द्रीय लेखा समिती सदस्य घनश्याम पौडेल, नेविसंघ नेता ओमहरी आचार्य लगाएतका विद्यार्थी नेताहरुको उपस्थिती रहेको नेविसंघका नेता नारायण घिमिरे भावुकले जानकारी गराए ।
