बुटवल । काठमाडौँ बाट अर्घाखाँची आउँदै गरेको लु २ ख २१४१ नम्बरको रात्री बस पश्चिम नवलपरासीमा दुर्घटनामा परेको छ।
मङ्सिर ८ गते शनिवार साँझ ५:३० बजे काठमाडौँ बाट अर्घाखाँचीका लागि छुटेको पश्चिम नेपाल बस व्यवसायी संघको लु २ ख २१४१ नम्बरको कामना बस आज बिहान करिब साढे १ बजेको समयमा पश्चिम नवलपरासीको दुम्कीबासमा दुर्घटनामा परेको हो।
बसमा सवार यात्रु पशुपति पाण्डेका अनुसार काठमाण्डौँ बाट अर्घाखाँची आउँदै गरेको कामना बस दुर्घटनामा परेको बताए । बसमा ३० जना सवार रहेका र त्यस मध्ये १० जना सामान्य घाईते रहेका छन भने अन्य १८ जना सकुशल रहेको बताएका छन्। साथै उक्त दुर्घटनामा २ जना गम्भीर घाईते रहेको पाण्डेले जानकारी दिएका छन्।
दुर्घटनामा गम्भीर घाईते रहेका २ जनालाई थप उपचारका लागी काठमाण्डौ पठाउने तयारी रहेको जानकारी आएको छ। गम्भीर घाईते हरुको नाम अझै सम्म खुल्न नसकेको बुझिएको छ। उक्त दुर्घटनाको प्रहरी द्वारा थप अनुसन्धान भईरहेको छ ।
