घनश्याम पाैडेल
अर्घाखाँची, २४ साउन । राष्ट्रिय स्वतन्त्र पार्टी सन्धिखर्क नगरसमितिकाे भेलाले नयाँ कार्यसमितिकाे चयन सर्वसम्मत गरेकाे छ । राजु खडका अध्यक्ष रहेको १४ सदस्यीय नगर समिति घोषणा गरेको हो ।
घोषित नगर समितिकाे उपाध्यक्षमा प्रतिप बन्जाडे, सचिवमा सागर मरासिनी, काेषाध्यक्षमा खुम बहादुर महत चयन भएका हुन । कृष्णहरि भुसाल र बाबुराम थापा सल्लाहकारमा चयन भएका हुन ।
भेलाकाे उद्घाटन गर्दै राष्ट्रिय स्वतन्त्र पार्टी लुम्बिनी प्रदेशका सभापति देवराज पाठकले पार्टी सभापति रवि लामिछानेमाथि सरकारले प्रतिशोधपूर्ण व्यवहार गरेकाे आराेप लगाए । सहकारीकाे नाममा पार्टी सभापतिमाथी प्रतिशाेधकाे व्यवहार गरियाे, “जनताले दिएको जनादेश र विश्वासलाई कमजोर पार्न सत्ता पक्षले यसरी प्रतिशोधको राजनीति गर्नु देशको लागि घातक छ ।”
जिल्ला सभापति हरिप्रसाद भुसालले राष्ट्रिय स्वतन्त्र पार्टीलाई स्थानीय तहमा मजबुत बनाउन संगठन विस्तार, नीति तथा कार्यक्रममार्फत जनताको विश्वास जित्ने कार्यलाई प्राथमिकतामा राख्ने प्रतिवद्धता जनाए । उनीहरूले नयाँ पुस्ताको सक्रियता, स्वच्छ राजनीति र पारदर्शी नेतृत्वमार्फत मात्र मुलुकको अवस्था सुधार गर्न सकिने धारणा राखे ।
