काठमाडौँ । युरो स्कुल, हात्तिगौँडाले युवाकवि मोतीराम भट्टको १५९ अौँ जयन्तीको विशेष अवसर पारेर कक्षा ६ देखि ९ सम्मका विद्यार्थीलाई लक्षित गरेर रचना वाचन प्रतियोगिता गरेको हो । उक्त प्रतियोगितामा २५ जना विद्यार्थीले रचना वाचन गरेका थिए । भने कार्यक्रमको बीचमा नाटक मञ्चन पनि गरिएको थियो ।
उक्त कार्यक्रममा सोही विद्यालयका प्रधानाध्यापक, स्कुल हेड, कोर्डिनेटर र सम्पूर्ण शिक्षकवर्गको सक्रिय सहभागिता रहेको यो कार्यक्रमले विद्यार्थीमा नेपाली भाषाप्रति रुचि जगाउनुका साथै नेपाली संस्कृतिको संरक्षण गर्ने कुरा यस कार्यक्रमका संयोजक, नेपाली विभागका विभागीय प्रमुख पीआर भट्टराईले जानकारी दिए । उक्त कार्यक्रममा बोल्दै स्कुल हेड कवि यादवले विद्यार्थीले प्रस्तुत गरेको सिर्जनशीलता अत्यन्तै प्रभावकारी रहेको बताए । साथै, सिनियर कोर्डिनेटर विम्विका थापाले
नेपाली विभागले गरेको यस कार्यक्रमले नेपाली भाषा संरक्षणमा महत्त्वपूर्ण योगदान दिने कुरा व्यक्त गर्दै नेपाली विभागका सम्पूर्ण शिक्षकवर्गलाई धन्यवाद ज्ञापन गरिन् ।
उक्त कार्यक्रममा जजको भूमिकामा सामाजिक विभागका विभागीय प्रमुख अच्युत दाहाल , नेपाली विषय शिक्षक रामशरण दाहाल, सुमित्रा केसी, अनिता नेपाल र इन्दिरा पौडेल रहेको कुरा संयोजक पीआर भट्टराईले जानकारी दिए ।
