अर्घाखाँची, २९ असौज । अर्घाखाँचीको छत्रदेव गाउँपालिका वडा नं. १ चिदिकामा दुई मोटरसाइकल एकआपसमा ठोक्किँदा दुबै चालकको मृत्यु भएको छ। दुर्घटनामा पछाडि सवार दुई जना गम्भीर घाइते भएका छन्।
बेलुका करिब ५ः२० बजे छत्रदेव गाउँपालिका–१ सौरेखोला नजिकमा भएको दुर्घटनामा पाणिनि ५ का २१ वर्षिय तारा बेल्बासे र छत्रकोट ६ का ३५ वर्षिय सुमन सुनारको मृत्यु भएको प्रहरीले जनाएको छ।
मोटरसाईकलको पछाडि सवार रहेका पाणिनि-५ का वर्ष १८ का दिपा बेल्बासे र छत्रकोट-६ का ४४ वर्षिय सुरज सुनार घाइते रहेका छन्। उनीहरूलाई थप उपचारका लागि पाल्पा पठाईएको छ । लु ५८ प ७९७८ र लु ३३ प ६५४४ नंं का बाईक एकआपसमा ठोक्किएका हुन् ।
घटनापछि दुवै घाइतेलाई तत्कालै नजिकैको पब्लिक लुम्बिनी अस्पताल, खर्ज्याङ लगिएको थियो । तर चिकित्सकले दुवै चालकलाई मृत घोषणा गरेका हुन् ।
प्रहरी चौकी बल्कोट अर्घाखाँचीका अनुसार दुवै मोटरसाइकल हाल प्रहरीको नियन्त्रणमा राखिएको छ । घटनाबारे थप अनुसन्धान भइरहेको छ ।
प्रारम्भिक अनुसन्धानमा दुर्घटना तीव्र गतिका कारण भएको अनुमान प्रहरीको अनुमान छ । घटनास्थलमा स्थानीय बासिन्दा र सुरक्षाकर्मीको सहयोगमा उद्धार गरिएको थियो ।
