- गायक मोतिराज खनाल लगायतको स्वरमा रहेको नयाँ तीज गीत कम्मरु भाँचम्ला सार्वजनिक भएको छ।
- वरिष्ठ कलाकार उत्तम केसीले एक कार्यक्रमका बीच सो गीतको म्युजिक भिडियो विमोचन गर्नुभयो।
- शिवजी क्षेत्रीको निर्देशन रहेको भिडियोमा विभिन्न कलाकार र चेलीहरूको सामूहिक अभिनय देख्न सकिन्छ।
काठमाडौं । गायक मोतिराज खनाल, बैकुण्ठ महत र रेखा पोख्रेलको स्वरमा रहेको नयाँ तीजगीत ‘कम्मरु भाँचम्ला’ ‘इन्द्रेणी’मा विमोचन गरिएको छ । नेपाल चलचित्र कलाकार संघका अध्यक्ष तथा वरिष्ठ कलाकार उत्तम केसीले गीतको भिडियोको विमोचन गर्नुभएको हो ।
मोतिराज खनालको संगीत तथा किरण पन्थी र खनालको शब्द रहेको गीतमा लक्षु प्रकाश मल्लको संगीत संयोजन र कृष्ण बाजुरालीको रेकर्डिङ तथा मिक्सिङ छ । शिवजी क्षेत्रीको निर्देशन तथा नृत्य निर्देशन रहेको गीतको भिडियोमा भुवन के. पोख्रेल, जुना कार्की, भगवान् भण्डारी, रेणुका बराललगायत कलाकारसँगै विभिन्न जिल्लाका चेलीहरूको सामूहिक सहभागिता छ ।
बैकुण्ठ महत र रेखा पोख्रेलको स्वरमा सजिएको नयाँ तीजगीत ‘कम्मरु भाँचम्ला’ लोकप्रिय कार्यक्रम ‘इन्द्रेणी’मा भव्य रूपमा विमोचन गरिएको छ।
श्रावण २५ गते गायक मोतिराज खनालको अध्यक्षतामा सम्पन्न विमोचन कार्यक्रममा नेपाल चलचित्र कलाकार संघका अध्यक्ष तथा वरिष्ठ कलाकार उत्तम केसी प्रमुख अतिथिका रूपमा उपस्थित भई गीतको औपचारिक विमोचन गर्नुभएको हो। कार्यक्रमको उद्घोषण समाजसेवी तथा अभियन्ता विशाल मिश्रले गर्नुभएको थियो।
कार्यक्रममा वरिष्ठ कलाकार पार्वती अधिकारी, ‘इन्द्रेणी’का अध्यक्ष तथा सञ्चालक कृष्ण कँडेल, ऋषिराम भुसाललगायत कलाकार, सञ्चारकर्मी, शुभेच्छुक तथा आफन्तजनको उल्लेखनीय उपस्थिति रहेको थियो।
भिडियो सहित
