काठमाडौँ । काफ्ले समाजको केन्द्रीय अध्यक्षमा काठमाडौँका कमल प्रसाद काफ्ले निर्वाचित भएका छन् ।
काठमाडौँको चाहविलमा अवस्थित एवान पार्टी प्यालेसमा आज भएको समाजको २२ औं साधारणसभा तथा १० औं अधिवेशनले काफ्लेलाई अध्यक्षमा निर्वाचित गरेको हो । सामाजिक सेवामा निरन्तर सक्रिय काफ्ले सरल र सहज स्वभावका धनी काफ्ले समाज लगायत अन्य धेरै संस्थाहरुमा आबद्ध छन् ।
नेपाल ज्योतिष परिषद्का केन्द्रीय महासचिव समेत रहेका ऊनी कुशल संगठक एवम् प्रखर वक्ताका रुपमा चिनिएका छन् । राष्ट्रिय तथा अन्तर्राष्ट्रियस्तरका ज्योतिषीय सभासम्मेलनमार्फत छुट्टै पहिचान बनाएका काफ्ले अध्यक्षमा निर्वाचित भएपछि आफू पदमा रहुन्जेल काफ्लेहरुको हकहित संरक्षण र बन्धुत्वको भावना अझ प्रगाढ बनाउँदै सम्पुर्ण काफ्लेहरुको खोज अनुसन्धान समेत गर्दै सम्पुर्ण बन्धुहरुलाई एकढिक्का बनाई समाजलाई गतिशील र चलायमान बनाउने बताउनुभयो ।
